Approbatio 2.

Ex mandato Superiorum sacrum Pastorale A.V.P. Laurentii ex Schnüffis Concionatoris perlustravi, vidique cuncta in eo prospera, atque proficua omni statui, ac hominum conditioni dum, quod infirmum est, consolidat; quod ægrotum, sanat; quod confractum, alligat; quod abjectum, reducit; quodque perierat, quærit. Nec dubium, quin & propriæ, & alienæ oves vocem ejus audituræ sint, cùm non solùm caulas, sed & principum aulas liberè ingrediens pastorali muneri suo solicitè satagat, cumque nihil contra fidem Orthodoxam contineat, sed potiùs ejusdem sanitatem integerrimam spiret, dignum censeo, ut pro DEI gloria, & animarum salute prælo publicetur. Lauffenbergæ 7 Augusti 1682.

F. Pancratius, Engensis Guardianus, & Custos ibidem indignus.