Oda Nutialis, in honorem Perquam nobilißimi maximeque strenui Domini, Dni. Georgii Karlik; ut et Nobilißimæ atque pudicißimæ fœminæ Catharinae Kochansky; Sponsorum:
1.
Eia, chordulis sonoris
Garrulæ testudinis,
Musa, jussû Apollinis,
Versibus fac ut decoris
Nobilem hunc ornes torum,
Suavem & adjuves chorum.
2.
Nunc vale palus amara
Anxiæ curæ sui
Pene nescia, En, tui,
Sponsa, sponso, cara, rara
Casto amore pungitur
Lectuloque jungitur.
3.
Jungitur Decus decorè,
Ex Tonantis omine,
Optimique nomine;
Sponsa sponso corde & ore,
Nobili; pulcerrima
Strenuo; integerrima.
4.
Jungitur Decus Dearum
Stirpe famosissima,
Moribus cultissima,
Quarta sponso Gratiarum
Mente; devotissimo,
Gente; nobilissimo,
5.
Pulcra fronte, pulcra ocellis,
Flammeis, qui dissecant
Ictibus cor, & necant;
Debiles, juncti atque bellis
Suavis redintegrant
Spiritûs, & innovant.
6.
Pulcra mentô, quod labellis
Lilium convallium
Tollit, & corallium:
Absque felle verba mellis
Blanda nï demulceant
Pectus Herois, beant.
7.
Floret Aetas, Fama, Virtus,
Forma, stemma, Castitas,
Laus, Honos Comitas,
Haut secus quám Palma, Myrtus.
Inde sertô ornaberis
Myrteô, & vocaberis:
8.
Flora fœcundis odoris
Floribus circundata,
Moribus venundata;
Sed probatis; sed decoris
Sed modestis; atque iis,
Qui placent solùm piis.
[52] 9.
Flora vivas & virescas
Surculi instar myrtei,
Maximi nutû ut Dei
Frondibus gravata crescas,
Frondibus novitiis;
Sorte frangi nesciis.