990. Der verzeihende Heiland.

Mündlich. W.M. durch d. vor.

In Werzborg steat in der obera Gruft in der Neiminsterer Kerch a groas Kruzefix. Der gekreizigte Herrgott schlegt sei Arm iber sei Brust. Es is a mol a großer armer Sinder dort gekniat, und hat reimithi und andächti gebett. Do hat auf e mol der Heiland sei Arm von Kreiz abgelest und hat en Sinder umarmt. All dei Sinda sen der vergeba, hat Christus der Herr zu'n g'sagt. Hernach is er fortganga und is a frommar Eisidler worn. Es Kruzefix helt zum Odenka no heit sei Arm iber die Brust g'schlaga.