Der finger leret dē hindern scheissen.
Sus Mineruam docet.
Der wil seinn vatter lerē kind machen. Das ey wil klüger sein dann die henn. Er dunckt sich weise / vnn ist noch kaum drei mal vmb sein můtter gelauffen. Er ist noch hinder den oren naß. Das Milchmaul tregt die windel noch vmb den ars.
Wider die / die jung vnn vngeniet vil vō sich selbs haltē, wir sagē / Er helt sich selbs feucht. Er meynt er höre das graß wachsen die flöhe hůsten. Er künde einer ieden lauß ein steltzen machen.