Kleine regelin machen auch naß.

Vil kleine regelin machen einn platzregen. Stets tropffen / hölern die steyn auß. Mit vil streychen wirt der stockf schlind. Einer der stets schleicht / der kompt ferrer dann einer der nit allweg laufft. Die stets übung thůts alles. Was ein stund nit kan thůn / das thůnd zwo. Ein Eych so von eim streych nit fellt / die fellt von vilen. Die embsigkeyt vermags alles. Red / so lernest reden. Sing / so lernstu singen. Schreib so lernest schreiben. Die übung bringt erfarung / erfarūg kans alles. Treibs / so gehts. War nach einer ringt / da gelingt jm. Fleiß bricht alle eiß. Vil streych / fellen die Eych.